Makron Türkiyägä teläktäşlek belderde

Franśiyä ilbaşı Êmmanuêl’ Makron 6nçı fevral’däge cir teträwlär nisbätennän Türkiyägä teläktäşlek belderülären citkerde. Ul Bel’giyä başqalası Brüssel’dä çirattan tış Awrupa Berlege liderlar sammitınnan soñ matbuğatqa açıqlawlar yasadı.

Makron Kaxramanmaraşta bulğan zilzilälärne “Ğasırnıñ hälakäte” dip atadı. “Monda min Türkiyä häm Süriyäneñ tön’yaq-könbatışına bärgän qurqınıç cir teträw häm anıñ qorbannarı öçen borçıluımnı häm teläktäşlegemne belderergä telim,”-dide ul.

Makron zilzilä bulğan könne ilbaşı Räcäp Tayyip Ärdoğanğa şaltıratıp Franśiyä isemennän qayğı urtaqlaşuın äytep, Franśiyäne dä kertep bik küp Awrupa Berlege illäreneñ qotqaru törkemnäre cibärüen belderde. Ul ilennän barğan 140 xezmätkärneñ Türkiyädä qotqaru êşçänleklärendä qatnaşuın citkerde. Franśiyä liderı ixtiyac häm östenleklärneñ xälenä qarap yärdämnärne arttırırğa äzer buluların assızıqladı.