Cir teträwdä 18 342 keşe yaqtı dön'yadan kitte

6 fevral’ könne barlıqqa kilgän häm 10 vilayät’kä zıyan salğan cir teträwlärdä ülüçelär sanı 18 342 buldı.

Afät häm ğadättän tış xällär räislegennän yasalğan açıqlawğa kürä êpiŝentrı Kahramanmaraş bulğan 7,7 häm 7,6 ball zurlıqtağı zilzilälärdä ğomere özelüçelär sanı 18 342, yaralanuçılar sanı 74 242 buldı.

İlbaşı yärdämçese Fuat Oktay da açıqlaw yasap, xäzerge waqıtta 29 622 êzläw-qotqaru törkemeneñ waqıyğa urınında buluın, awıllarğa da yünälülären, härber awılğa ireşkängä qadär êşçänleklärneñ tuqtamayaçağın citkerde.

Fuat Oktay beldergänçä bu êzäw-qotqaru törkemnärennän 6479ı törle illärdän kilde, 75 ildän kilgän törkemnär öçen bu illärgä räxmät belderde.

Barlığı personal sanınıñ 120 344 buluın açıqlağan İlbaşı yärdämçese Kilis häm Şanlıurfada êzläw-qotqaru êşläreneñ tögällänüen, Diyarbakır, Adana häm Osmaniyedä dä zur ülçämdä tämamlanuın äytte.

Oktay êzläw-qotqaru ni qadär möhim bulsa, tuqlanu häm sıyınu urınnarınıñ da ul xätle ähämiyätle buluına işaräläp, yärdäm kürsätüçe barlıq oyışmalarğa räxmät belderde.