"Türkiyädäge zilzilä qorı cirdäge iñ zur cirteträwlärneñ berse ide"

Yaponiyä cirteträwlär belgeçe, professor Sindzi Toda Kaxramanmaraştağı zilzilälärneñ dön’yada qorı cirdä bulğannarı arasında in köçlelärennän buluın belderde. Ul bu xaqta “Asaxi Simbun” gazetına interv’yusında söyläde.  

Toxoku universitetınıñ Xalıqara afätlär fänni- tikşerenü institutı professorı Sindzu Türkiyädä 6nçı fevral’dä bulğan 7,7 häm 7,6 ball zurlığındağı cir teträwlär turında: “Kötelmägänçä zur zilzilä ide” dide.  

Ğalim Könçığış Anadolu yarılu sızığınıñ Ğaräp plitäse belän Anadolu plitäse arasındağı çiktä urın aluın äytep, teträwneñ zurlığına östämä bularaq êpiśentrnıñ cir öslegenä yaqınlığınıñ da zur cimerekleklärgä kiterüen belderde.

Sindzi zilziläneñ ênergiyä külämeneñ 1995nçe yılda Yaponiyädä bulğan zur Xansin-Avadzi teträwe häm 2016nçı yılğı Kumamoto afätennän 10 tapqır kübräk buluın assızıqladı.