Türkiyä häm Twitter wäqalätleläre kileşte
Türkiyä ilbaşı apparatı êlemtä idaräse başlığı Fäxrettin Altun bu turıda belderü yasadı
Türkiyä ilbaşı apparatı êlemtä idaräse başlığı Fäxrettin Altun yalğan mäğ’lümatnıñ demokratiyä, ictimağıy tınıçlıq häm milli qurqınıçsızlıqqa qarata citdi yanaw buluın söyläde. Ul sośial’ media aşa urtaqlaşqan yazmasında törek wäqalätleläreneñ kiçä Twitter belän näticäle söyläşü ütkärüen belderde.
Altun Twitter idaräsenä xezmättäşlek häm Türkiyäneñ yalğan mäğ’lümat belän köräş tırışlıqlarına yärdäm itü süze birüläre öçen räxmät äytte.
“Dezinformaśiyä keşelekneñ urtaq doşmanı häm ber ük waqıtta demokratiyä, ictimağıy tınıçlıq häm milli qurqınıçsızlıqqa qarata citdi yanaw. Kiläse könnärdä häm atnalarda Twitter belän tağın da yaqınnan xezmättäşlek itärgä uylıybız,”-dide ul.
Kiçäge cıyılışta Twitter yalğan mäğ’lümat belän köräş, çınbarlıqqa turı kilmäwçe signal häm yalğan xäbärlärne kisätü, yalğan akkauntlarğa qarata tiz çara kürü mäs’äläsendä Türkiyä belän tulı xezmättäşlek itärgä rizalaştı.
Bäyläneşle xäbärlär
Awstriya ministrı Törkiyägä kilä
Awstriya tışqı êşlär ministrı Alekandr Şallenberg Törkiyägä kiläçäk