Çavuşoğlu: “95 ildän yärdäm täq’dimen aldıq”

Ministr Çavuşoğlu Tön'yaq Kipr Törek Cömhüriyäte tışqı êşlär ministrı Tahsin Ärtuğruloğlu belän ministrlıqta oçraştı.

Söyläşüdän soñ oyıştırılğan urtaq matbuğat oçraşuında Çavuşoğlu, yärdäm öçen Tön'yaq Kipr Törek Cömhüriyätenä räxmät belderep: ''Tarixıbıznıñ iñ zur fäläqäten yäşibez. Bu fäläqät aldında Tön'yaq Kipr Törek Cömhüriyäte bezne berqayçan da yalğız qaldırmadı. Tön'yaq Kipr Törek Cömhüriyäte, 7 kön milli matäm iğ’lan itep, Kipr törek xalqınıñ teläktäşlegen bezgä kürsätte. Tön'yaq Kipr Törek Cömhüriyäteneñ böten organnarına häm xalqına şuşı awır könnärendä kürsätkän yärdäm öçen räxmätläremne citkeräm,” – dip äytte.

Türkiyäneñ böten dönyadan da köçle teläktäşlek kürüen iskärtep uzuçı Çavuşoğlu: "95 ildän häm 16 xalıqara oyışmadan yärdäm täq’dimen aldıq. 56 ildän 6 meñ 479 personal cirlektä. Tağın 19 ildän törkemnär 24 säğät êçendä ilebezdä bulaçaq,” – dip belderde.

Cirteträw töbäklärenä 11 ilçene wazıyfalandıruın añlatuçı Çavuşoğlu: "Töbägebezdä bolay da 17 personalıbız bar ide, tağın 14 personalnı cibärdek,” – dide.

Çavuşoğlu, çit illärdän yärdämnärneñ koordinaśiyasınıñ täêmin itelüeneñ zarurlıüın añlatıp, ixtıyac bulğannarnıñ kilüenä östenlek birülären häm çatırğa ixtıyac buluın äytte.

Tön'yaq Kipr Törek Cömhüriyäte tışqı êşlär ministrı Ärtuğruloğlu da Adıyamanda cimerelgän bina qaldıqları astında qalğan Tön'yaq Kipr Törek Cömhüriyäte sport komandası belän bäyle bularaq: 'Xäzergä qadär 3enä ireşeldeı. Ul qunaqxanäneñ cimerelgän qaldıqları astında 80 keşeneñ buluı mäğ’lümaten birde ilçebez. 38 keşe belän bergä başqaları da cimerelgän bina qaldıqları arasında qalğan wazğıyättä,” – dip äytte.