Türkiyädä cir teträwlär: afät töbägennän soñğı sannar
Kahramanmaraş êpiśentrlı 7,7 häm 7,6 zurlığındağı cir teträwlärdä häläq buluçılarnıñ sanı 6 meñ 234kä citte
Afät häm ğadättän tış xällär idaräse räislege (AFAD) 6nçı fevral’dä barlıqqa kilgän êpiśentrı Kahramanmaraşta bulğan cir teträwlärdä Türkiyä waqıtı belän säğät 06.15däge sannarğa kürä 6 meñ 234 keşeneñ häläq buluın, 37 meñ 11 keşeneñ yaralanuın belderde.
Zilzilädän zıyan kürüçelärneñ sıyınuı öçen töbäktä 50 meñ 818 ğailä yäşäw çatırı urnaştırıldı.
Fäläqät cirlegendä 79 meñ 110 êzläw-qotqaru personalı wazıyfa başqara.
Afät töbägenä êkskavator, tartu maşinası, kran, dozer, yök maşinası, suğaruçı, treyler, greyder, vakuum maşinası häm monıñ kebek texnika belän bergä tuplam 5 meñ 402 texnika cibärelde.
Töbäkkä personal, materiallar alıp baru häm êvakuaśiya maqsatınnan çığıp Xärbi diñgez köçläre komandalığı tarafınnan 9, Yar buyı iminlege komandalığı tarafınnan 1 buluı belän bergä tuplam 10 köymä wazıyfalandırıldı.