Awrupadan kilüçe qotqaruçılar

Awrupa illärennän Türkiyädäge cirteträw töbäklärenä kilgän yäisä kiläçäk yärdäm xezmätkäre sanı 1500gä yaqınlaştı.

Awrupa Berlege komissiyäse êpiśentrı Kaxramanmaraşnıñ Pazarcık häm Älbistan rayonnarında bulğan häm tulayım 10 töbäkkä yoğıntı yasağan 7,7 häm 7,6 ball zurlığındağı cirteträwlär säbäple grajdanlı saqlanu mexanizmı qısalarında cibärelgän törkemnär turında mäğ’lümat urtaqlaştı.

Aña qarağanda, 20 Awrupa Berlege däwläte älegä qadär 29 êzläw-qotqaru törkeme häm 5 mediśina törkeme yullaw öçen xäräkätkä küçte. Alar 1485 keşe häm 100 maxsus öyrätelgän êttän tora. Törkemnärneñ ber öleşeneñ Türkiyägä barıp citüe häm zilzilä cirleklärendä êşli başlawı belderelä.

Monnan tış, Awrupa Berlegeneñ qotqaru häm mediśina törkemnäre tışında çatır, odeyal, cılıtuçı şikelle äyberlär dä cibäräçäge belderelde. Monıñ öçen Germaniya, Litva häm Sloveniya êşçänlek alıp bara.