Türkiyä böten diplomatik missiyalarnıñ iminlegen xalıqara kileşülär nigezendä täêmin itä
Türkiyädä terror qurqınıçı sıltawı belän konsullıqlarınıñ êşçänlegen tuqtatıp torğan illär belän bergä 9 ilneñ Änkara ilçeläre Tışqı êşlär ministrlığına çaqırıldı
Diplomatik çığanaqlar terror ğamäle qurqınıçı sıltawı belän konsullıqlarınıñ êşçänlegen tuqtatıp torğan Germaniya, Angliya, Niderland, Şveyśariya belän bergä Amerika Quşma Ştatları, Şveśiya, Bel’giya, Franśiya häm İtaliyanıñ Änkara tulı wäqalätle ilçeseneñ Tışqı êşlär ministrlığına çaqırıluın belderde.
İlçelärgä mäs’älägä qarata reakśiya citkerelde häm Türkiyädä urnaşqan böten diplomatik missiyalarnıñ iminlegeneñ xalıqara kileşülär nigezendä täêmin itelüe xäterlätelde.
Mondıy ber ük waqıttağı êşçänlekneñ proporśional’ häm aqıllı qaraşnı täşkil itmäwenä, mondıy totışlarnıñ barı tik terror oyışmalarınıñ mäkerle niyätlärenä xezmät itüenä basım yasaldı.
Dus häm berlektäş illärneñ Türkiyäneñ iminlek berämlekläre belän xezmättäşlek urnaştıruınıñ ömet itelüe iskärtelep uzıldı.
