Türkiyägä iñ kübe Germaniyädän kilgännär

Türkiyägä 2022nçe yılda iñ küp zıyarätçe cibärgän däwlät 5 million 679 meñ 194 keşe belän Germaniyä buldı.  

Mädäniyät häm turizm ministrlığınıñ säxifäsendä urın alğan belderügä qarağanda, 2022dä çit ildän kilüçelär sanı, annan aldağı yıl belän çağıştırğanda, 80,33%qa arttı.  Barlığı 51 million 387 meñ 513 keşe Türkiyädä qunaq bula. Berençelekne alğan Germaniyädän soñ bik azğa ğına qalışıp Rusiyä bara. Annan Türkiyägä 2022nçe yılda 5 million 232 meñnän artıq keşe kilgän.  Öçençe urında -Angliyä. Türkiyä uzğan yıl älege ildän 3 million 371 meñgä yaqın keşene qunaq itä. Angliyädän soñ isemlektä Bolgariyä häm İran tora.

Türkiyägä 2022nçe yılnıñ dekabr’ ayında kilgän çit il keşese sanı da uzğan yılnıñ şul uq çorı belän çağıştırğanda 26,79%qa arttı häm 2 million 399 meñ 441 buldı.