Türkiyädän Äfğanstanğa "İgelek poyezdı"

Afät häm ğadättän tış xällär belän idarä itü räislege AFAD koordinaŝiyasenda, Türkiyädäge ictimağıy oyışmalarnıñ yärdäme belän cıyılğan gumanitar yärdäm materialların taşuçı 7nçe “İgelek poyezdı” Äfğanstannıñ Herat vilayätenä barıp citte.

AFAD räsmi zatları beldergänçä poyezd barlığı 500 tonnadan artıq yärdäm iltte häm yärdämnär kiläse könnärdä yortsız qaluçılar belän ilneñ törle vilayät’lärendäge moxtac ğailälärgä taratılaçaq.

Yärdämnär küpçelek azıq-tölek, qışqı kiyem, ayaq kiyeme, keläm, yurğan, çistartu äyberläre, ğariplär arbaları häm tegü maşinalarınnan tora.

Äfğanstandağı gumanitar krizisnı ciñeläytü maqsatı belän monnan alda Türkiyädän 6 “İgelek poyezdı” cibärelde.

Yärdämnär afättä zıyan kürüçelär, yätim, tol häm ğariplär dä bulğan 700 meñnän artıq äfğan keşesenä taratıldı.