Niderlandnıñ Änkaradağı tulı wäqalätle ilçesen tışqı êşlär ministrlığına çaqırdılar
Türkiyä tışqı êşlär ministrlığı:"Crängeç ğamälne ğayepläwebezne, protest belderüebezne ilçegä citkerdek"
Niderlandnıñ Änkaradağı tulı wäqalätle ilçese tışqı êşlär ministrlığına çaqırıldı.
Tışqı êşlär ministrlığı belderüendä tübändäge yullar urın aldı: “Bez 22 nçe ğıynwarda Niderlandnıñ Gaaga şähärendä İslam doşmanı şäxesneñ izge kitabıbız Qor’ängä qarata äxlaqsız höcümen kisken räweştä läğ’nätlibez. Şveśiyädän soñ bu yulı Niderlandta bulğan häm bezneñ izge qıymmätlärebezne mısqıllawçı,näfrät cinayäten üz êçenä aluçı bu cirängeç ğamäl İslamofobiya, diskriminaśiya häm ksenofobiyanıñ Awrupada çikläre yuqlığın kürsätüçe bik açıq ürnäk.
Bu ğamällär möselmannarnıñ ğına tügel, ä böten keşelekneñ töp xoquqları häm ireklären, äxlaqıy qıymmätlären häm cämğıyäwi tolerantlığın maqsat itep ala, tınıçlıqta bergä yäşäw mädäniyätenä dä zıyan kiterä.
Niderlandnıñ Änkaradağı tulı wäqalätle ilçese ministrlıqqa çaqırtıldı häm bu cirängeç ğamälne ğayepläwebezne, protest belderüebezne ilçegä citkerdek, Niderlandqa mondıy provokaśion ğamällärgä yul quymasqa quştıq.
Bez Niderland xakimiyäte waqıyğanı qıluçığa qarşı kiräkle çaralar kürer häm mondıy xällär qabatlanmasın öçen konkret çaralar tormışqa aşırılır dip kötäbez”.
