Çavuşoğlu Ukrainanıñ qayğısın urtaqlaştı

Türkiyä tışqı êşlär ministrı Mävlüt Çavuşoğlu Ukraina başqalası Kiyev tiräsendä boralaq kilep töşü arqasında 18 keşeneñ ğomere özelügä bäyle Ukrainanıñ qayğısın urtaqlaştı.

“Şaqtıy keşeneñ, şul isäptän Ukraina êçke êşlär ministrınıñ da, ğomere özelgän boralaq hälakätenä bik qayğırdım. Faciğada ğomeren yuğaltuçılarnıñ yaqınnarınıñ, Ukraina xalqınıñ qayğısın urtaqlaşam, cäräxätlär alğan keşelärgä şifalar telim” diyelä tışqı êşlär ministrınıñ Twitter akkauntındağı qayğınamäsendä.

İsegezgä töşeräbez: Ukrainanıñ başqalası Kiyev tiräsendä bulğan boralaq hälakätendä ilneñ êçke êşlär ministrı Denis Monastırskiy häm urınbasarın da kertep 18 keşeneñ ğomere özelde.

Ukraina êçke êşlär ministrlığı kiñäşçese Anton Geraçenko faciğaneñ säbäpläre tikşerelüen belderde.