Türkiyä milli saqlanu ministrı Ukrainadağı wazıyfadaşı belän söyläşte
Xulusi Akar kiçekmästän utnı tuqtatu iğ’lan itüneñ ähämiyäten assızıqladı
Türkiyä milli saqlanu ministrı Xulusi Akar Ukraina saqlanu ministrı Oleksiy Reznikov belän telefonnan söyläşte.
Ministrlıqtan belderülärençä, Akar söyläşüdä tağın da kübräk ğomerlär özelmäsen, töbäktä tınıçlıq häm totrıqlılıq torğızılsın öçen kiçekmästän utnı tuqtatu iğ’lan itüneñ ähämiyäten assızıqladı. Ul alğa taba da ilbaşı Räcäp Tayyip Ärdoğan häm böten Türkiyäneñ regionda tınıçlıqnı täêmin itü häm gumanitar yärdäm mäs’äläsendä här däräcädä qulınnan kilgänne êşlärgä äzer buluın belderde.
Akar Qara diñgez aşlıq iniśiativası qısalarında qorılğan Urtaq koordinaśiyä üzäge êşçänlekläre belän bügengä qadär Ukraina portlarınnan yaqınça 17 million tonna aşlıqnıñ ixtiyacı bulğan illärgä ışanıçlı räweştä citkerelüen xäterlätte häm monıñ xilaflıqlarsız däwam itüeneñ ähämiyäten assızıqladı.
