Kuşadasına bıyılnıñ täwge kruiz korabı kilde
Laynerdan 841 yulçı çıqtı
Türkiyäneñ kruiz turizmınıñ ähämiyätle üzäge Aydın töbäge Kuşadası rayonına 2023nçe yıldağı berençe turistik yulçı korabı kilde.
Norvegiyä bayraqlı 228 metr ozınlığındağı “Viking Sky” laynerı Êgey portına irtänge säğat’lärdä kerde. Annan 841 yulçı çıqtı. Kübese Angliyä häm AQŞ watandaşı.
Turistlarnıñ şaqtıyı avtobuslar belän Êfes antik qalası häm Mär’yäm ana öyen kürergä kitte. Yulçılarnıñ ber öleşe kibet häm bazarlarnı gizde, äyberlär aldı.
Êğey port Kuşadası ğomum mödire Aziz Güngör kiçä dä 2022nçe yılnıñ soñğı laynerı itep Norvegiyä bayraqlı “Viking Venus”nı qunaq itülären äytte. Ul Türkiyägä kilüçe kruiz korablarınıñ sanınıñ 2023nçe yılda artacağın farazlıy. “2023nçe yılda yulçı sanınıñ 1 millionnan uzuı kötelä. Bu älegä qadär Kuşadası tarixındağı iñ küp yulçı sanı bulaçaq,”-dide Güngör.
