"İlgä häm millätkä xezmät itärgä telägän yäş’lär öçen däwlätneñ barlıq mömkinleklären qullandıq"

Türkiyä ilbaşı Räcäp Tayyip Ärdoğan İstanbulda İlahiyät yoldızların büläkläw tantanasında çığış yasadı.

Ul üz çığışında yäş’lärdän härberseneñ uñışın Türkiyä ğasırın tözü yulın yaqtırtqan fakel bularaq kürülären belderep, yäş’lärgä qıymmät östäwçe häm alarnıñ üseşenä öleş kertüçe proyektlarğa yaqlaw kürsätüne üzläreneñ burıçları itep sanawların citkerde.

Watanğa,xalıqqa, ömmätkä yaxşı keşelär tärbiyäläw öçen köç quyğan härkemneñ,barlıq oyışmalarnıñ möhimlegenä basım yasawçı Ärdoğan: “Bezneñ töp burıçıbız – yäş’lärebezgä ofıq häm vizion birüçe êşçänleklärne yaqlaw. Xäzergä çaqlı bulğanı kebek kiläçäktä dä sezneñ belän bergä ilebezneñ barlıq yäş’läre yanında toraçaqbız, alarnı yaqlayaçaqbız”,- dide.

Ärdoğan soñğı 20 yılda tormışqa aşırılğan demokratiya häm üseş reformaları belän Türkiyädä zur uñışlarğa ireşülären assızıqladı.

İlbaşı êşlärgä, citeşterergä, üzlären kamilläşterergä, ilgä häm millätkä xezmät itärgä telägän yäş’lär öçen däwlätneñ barlıq mömkinleklären qullanuların citkerde.