Montenegro ilbaşı Türkiyägä säfär yasıy

Montenegro ilbaşı Milo Dukanoviç ilbaşı Räcäp Tayyip Ärdoğannıñ çaqıruı buyınça irtägä êş säfäre belän Türkiyägä kilä.

İlbaşı idaräseneñ êlemtä bülege beldergänçä, İstanbulda uzaçaq oçraşu waqıtında Türkiyä belän Montenegro arasındağı mönäsäbätlär törle yaqlap qaralaçaq, xezmättäşlekne yaxşırtu adımnarı söyläşeläçäk.

Söyläşülärdä ike yaqlı mönäsäbätlär belän berrättän regional’ häm xalıqara mäs’älälär, ayruça Balkan turında fiker alışu küzdä totıla.