Çavuşoğlu yıl azağı bäyäläw cıyılışın ütkärde
Türkiyä Tışqı êşlär ministrı Mäwlüt Çavuşoğlu Greśiyanıñ Ägäy diñgezendä territorial’ suların 1 mil’gä dä xätta kiñäytüenä yul quymayaçaqların belderde
Ministr Çavuşoğlu başqala Änkarada uzdırğan tradiśion yıl axırı bäyäläw cıyılışında Greśiya belän yıl başında dialog kanalların êşlätergä tırışuların, konsul’taśion söyläşülärneñ 64ençesen fevral’da uzdıruların äytte.
Çavuşoğlu annan soñ Greśiya Baş ministrı Kiryakos Miçotakisnıñ Türkiyägä qarşı kampaniya başlatuı, Ägäydä qotırtular, genośid raslawları häm Könbatış Trakiya töreklärenä basım arqasında bu dialognı tuñdıruların iskärtep uzdı.
Soñğı könnärdä grek matbuğatındağı bigräk tä Girit tiräsendä territorial’ sularnıñ 12 mil’gä citkereläçäge turındağı xäbärlärgä tuqtalıp uzuçı Çavuşoğlu: "12 genä tügel, 1 mil’gä dä xätta su kiñlegen kiñaytüenä röxsät birmibez. Parlamentıbıznıñ bu mäs’älädä 1995nçe yılda qabul itkän qarar açıq häm äle dä üz köçendä. Greśiyanı tağın ber qat kisätäbez: “Yalğan batırlıq artınnan barmağız. Macarağa kermägez. Axırı sezneñ öçen hiç yaxşı bulmas”, - dide.
Terrorçılıq belän köräşneñ Türkiyä kön tärtibeneñ iñ möhim mäs’älälärennän berse buluın belderüçe Çavuşoğlu BMO, AQŞ, Rusiyä, Ğıyraq häm (Süriyädäge) rejim belän êlemtälärneñ däwam itüen, Milli saqlanu ministrı Hulusi Akar häm Milli küzläw oyışması başlığı Hakan Fidannıñ kiçä Mäskäwdä oçraşular ütkärüen äytte.
Üzeneñ dä Rusiyä tışqı êşlär ministrı Sergey Lavrov belän söyläşäçägen belderüçe Çavuşoğlu: "Töbäktä yäzidilär belän, süryanilär belän, kördlär belän, törekmännär belän söyläşäbez. Härkem: “Bezne “PKK”dan qotqarığız di”, - dip anlattı.
Franśiya başqalası Parijdağı höcümnärneñ terrorçılar belän bergä bulunıñ bäyäsen tağın ber qat kürsätüenä basım yasawçı Çavuşoğlu: "Bez gel äytä idek: ut belän uynawçı ber könne üzen dä yandırır. Berlektäşlärebez monnan kiräkle sabaqnı alğannar häm terrorçılıq belän köräştä tağın da êçkersez xäräkät itärlär, dip ışanabız,” – dide.
