Türkiyäneñ tabiğıy gaz açışı dönya matbuğatında

Amerikan matbuğat organı “Bloomberg” xäbärne “Türkiyä Qara diñgez gaz rezervlarında däw artunı açıqladı” diyıp citkerde.

“Bloomberg” Türkiyäneñ Qara diñgezdäge tabiğıy gaz rezerv farazların öçtä ber arttıruın, monıñ häm xäzerge mäydan häm dä ayırım âçış belän täêmin itelüen yazdı.

İngliz xäbär agentlığı “Reuters” isä tabılğan tabiğıy gaznıñ külämenä iğ’tibarnı yünältte. Xäbärdä Türkiyäneñ Sakar’ya mäydanında 13 qoyı (svajina) açuı, mäydannıñ, 2023nçe yılda qullanuğa alınıp, milli çeltärgä totaşaçağı iskärtelep uzıldı.

Qıtay däwlät xäbär agentlığı “Şinhua” Türkiyädä tabılğan yaña tabiğıy gaz rezervların berençel xäbär bulıp citkerde.

Agentlıq Ärdoğannıñ: “Bez Türkiyäne Xäzär, Urta diñgez häm Yaqın Könçığışnıñ ênergiya üzägenä äyländerüdä täwäkkäl,” – digän süzlären urnaştırğan.

Tabiğıy gaz söyıneçe grek matbuğatında da kin itep yaqtırtıldı.

“Kathimerini” gazetı İlbaşı Ärdoğannıñ: "58 milliard kub metrlıq yaña tabiğıy gaz yatmasın taptıq,” – digän süzlären uquçıları belän urtaqlaştı.

Yazmada: “Türkiyä Däwlät başlığı Qara diñgezdä möhim miqdarda gaz açışı turında äytte,” – dip belderelde.

“To Vima” gazetı: “İlbaşı Ärdoğan Türkiyä maqsatınıñ üz gaz ixtıyacın qanäğätländerü buluın äytte,” – dip yazdı.

Grek gazetı Qara diñgezdäge tuplam rezervnıñ (710 milliard kub metr) qıymmäteneñ 1 trillion dollar buluına da basım yasadı.