Ärdoğannan tabiğıy gaz söyıneçe

İlbaşı Ärdoğan başqala Änkarada İlbaşı qolliyätendäge Kabinet cıyılışınnan soñ millätkä möräcäğät itte.

Türkiyäneñ monnan arı saqlanu sänäğäte êşlänmälären barı tik üze öçen genä proyıktlawçı häm citeşterüçe il genä bulmawına basım yasawçı Ärdoğan: “Här uzğan kön artqan êksportıbız belän böten dönyada saqlanu sänäğäte tarmağıbıznıñ êşlänmäläre belän dan qazanğan torışqa ireştek,” – dip äytte.

Kiläse yılda iminlek ölkäsendä terrornı çığanağında yuqqa çığaru strategiyasın böten kön’yaq çik buylarında täwäkkällek belän başqarırğa däwam itäçäklären bilgeläp uzuçı Ärdoğan: “Bigräk tä Süriyädän ilebezgä qarşı yanawlarnı tulısınça yuq itü öçen çikneñ 30 çaqrım ar’yağındağı iminlek sızığıbızdağı buşlıqlarnı yabaçaq yaña adımnar yasayaçaqbız,” – dip bilderde.

Qara diñgezdä 58 milliard kub metrlıq yaña tabiğıy gaz rezervın tabuları söyıneçen citkerüçe Ärdoğan Qara diñgezdäge gaz rezervınıñ 710 milliard kub metrğa citüen, töbäktä tabılğan tabiğıy gaznıñ xalıqara bazarlardağı bäyäseneñ 1 trillion dollarğa citüen iskärtep uzdı.

Türkiyä Däwlät başlığı Qara diñgezdä yaña tabiğıy gaz êzläw êşçänleklärenä däwam itäçäklären belderde.