Anka-3 häm Qızılalma grek matbuğatında
Greśiyä Türkiyäneñ saqlanu sänäğatenä bitaraf tügel
Törek saqlanu sänäğatendäge alğarışlarnı Greśiyä dä yaqınnan küzätep bara. İl matbuğatı törek wäqalätlelär häm jurnalistlarnıñ saqlanu tarmağı belän bäyle belderülären uquçılarına citkerä.
Greśiyädä bu yulı Türkiyäneñ Anka-3 keşesez hawa apparatı belän Qızılalma xärbi keşesez oçqıç sisteması kön üzägendä buldı.
“Kathimerini” gazetı Qızılalmanıñ berençe test oçışı xaqında xäbär yazdı. Anda: “Baykar şirkäteneñ qul astında xalıqara däräcädä tanılğan Bayraktar TB-2dän soñ xäzer Qızılalma dronınıñ berençe sınaw oçışı ütte” diyelä. Xäbärdä küptän tügel Türkiyäneñ Anka-3 isemle yaña keşesez hawa apparatı proyektın tanıtuı da xäterlätelde.
Grek gazetı Qızılalma häm Anka-3neñ Törek aviaśiyäse öçen möhim êtap bularaq kürelüen assızıqlıy. Xäbärdä Anka-3neñ test oçışlarınıñ 2023nçe yılda ütkärelüe planlaştırıluı belderelä. Monnan tış, yazmada Türkiyäneñ Anka markası astında Anka-B, Anka-2 şikelle ber seriyä keşesez hawa apparatı çığaruı da äytelä.
Bäyläneşle xäbärlär
Fidan - Faysal ibn Färhan söyläşüe uzdı
Törkiyä tışqı êşlär ministrı Soğud Ğaräbstanı tışqı êşlär ministrı belän telefonnan söyläşte
