Ärdoğan İslam dönyası töp qanun yurisdikśiyası konferenśiyasında çığış yasadı

İlbaşı Ärdoğan İstanbul Dolmabahçä sarayında oyıştırılğan İslam dönyası konstituśion yurisdikśiya konferenśiyasınıñ açılış kongressında çığış yasadı.

Ärdoğan bügen başlanğan häm ike kön däwam itäçäk konferenśiyada xoquqnıñ östenlege, demokratiya häm keşe xoquqlarına ixtiram kebek başçalarda faydalı, näticäle bäxäslärneñ ütkäreläçägenä basım yasadı.

"İslam dönyası bigräk tä xoquq häm ğadälät mäs’äläsendä kübese xaqsız, nigezsez häm insaf çiklären uzğan tänqıytläwlärgä duçar bula,” – dip äytüçe İlbaşı Ärdoğan: "Üz kolonizator uzğanlığı belän qara-qarşı oçraşa almawçılar, awızların açqan sayın, bezgä keşe xoquqları, xoquq östenlege turında süz alıp baralar. Üz iminlekläre öçen böten çaralarnı kürüçelär bezneñ xoquq häm ğadälät sistemabıznı gäyıplilär. Dön’yanıñ şaqtıy ilendä qulı qanlı terror oyışmaların yaqlawdan bernindi yawızlıq kürmäwçelär bezgä keşe tormışınıñ izgelege turında notıq söyli,” – dip belderde.

Türkiyä Däwlät başlığı: "Süriyäle, Ğıyraqlı, Afrikalı migrantlarğa qarşı işeklären yabıp quyğan oyışmalar “PKK” häm “Fätullahçı” terror oyışması (FETÖ) äğ’zase terrorçılarğa qarata isä mömkin qadär tolerantlı xäräkät itälär,” – dip iskärtep uzdı.