Akardan Azärbaycan yullaması

Türkiyä Milli saqlanu ministrlığı häm Baqı gubernatorlığınıñ bulışlığı belän Azärbaycannıñ Änkara ilçelegendä oyıştırılğan "Qarabax Azärbaycandır-Watan suğışı tarixı: şäxes faktorı" kitabın tanıtu çarası İlbaşı idaräseneñ Millät kitapxanäsendä ütkärelde.

Programmada çığış yasawçı ministr Akar Azärbaycan häm Ärmänstan arasında 44 kön däwam itkän 2nçe Qarabax suğışındağı täräqqıyätlärneñ Törkiyä tarafınnan yaqınnan küzätep barıluın belderde.

Azärbaycan cirläreneñ ğadel bulmağan suğış näticäsendä yawlap alınuın añlatuçı Akar: "(Azärbaycannar) Barıbız da yaqınnan belgän, ämma dönyanıñ işetergä häm kürergä telämägän bik citdi küpläp üterülärgä, cinayätlärgä duçar buldı, cäfa, ğazaplaw kürdelär. Şuşı waqıyğalar bulğan çaqta Awrupa Berlege, NATO, Berläşkän Millätlär Oyışması, başqa illär belän Awrupa iminlek häm xezmättäşlek oyışması, qızğanıç, bu mäs’älälärgä berniçek tä sizgerlek, iğ’tibar kürsätmäde, kiräkle çaralar kürmädelär. Rusiyä, Amerika Quşma Ştatları häm Franśiya räistäşlegendäge Minsk törkeme bu mäs’älälärdä bitaraf qaldı,” – dip äytte.

Hulusi Akar ber millät bulğan Azärbaycan häm Türkiyädän bersenä nindi dä bulsa risk häm yanaw oçrağında ber yöräk bulıp moña qarşı torırğa äzer bulularına basım yasadı.

Hulusi Akar, Azärbaycannıñ däğwasında xaqlı buluınıñ belenüe, monıñ êçkeläşterelüe häm här urında açıq itep belderelüe zarurlığına basım yasap: "Türkiyä bularaq başqarırğa tırışqan iñ möhim mäs’älälärdän berse bu. NATO platformaları belän bergä xalıqara platformalarda, ike yaqlı mönäsäbätlärdä daimi räweştä monı kön tärtibenä kiteräbez,” – dide.