Ärdoğan: “Afrika belän iq’tisadi mönäsäbätlärebezne härwaqıt ğadel räweştä üsteräçäkbez”
İlbaşı Räcäp Tayyip Ärdoğan Afrika belän iq’tisadi êlemtälärne härwaqıt ğadel, tigez räweştä üsterergä tırışuların häm säwdä mönäsäbätlären üzara fayda nigezendä alıp baraçaqların äytte
Türkiyä İlbaşı Ärdoğan häm Senegal Däwlät başlığı Maki Sall başqala Änkarada urtaq matbuğat oçraşuın oyıştırdı.
Türkiyäneñ Senegal belän iq’tisadi mönäsäbätlärneñ üsüeneñ däwam itüenä basım yasawçı Ärdoğan: “2021nçe yılda ike yaqlı säwdä külämebez monnan aldağı yılğa qarağanda 42% artu belän 380 million dollardan 540 million dollarğa citte. Xäzer üzebezgä yaña maqsat bilgelädek: iñ qısqa waqıtta monı 1 milliard dollarğa citkeräbez,” – dip äytte.
Ärdoğan Afrika belän iq’tisadi êlemtälärne härwaqıt ğadel, tigez itep üsterergä tırışuların häm säwdä mönäsäbätlären üzara fayda nigezendä alıp baraçaqların belderde.
Ärdoğan Maki Sall belän söyläşüe waqıtında “Fätullahçı” terror oyışması (FETÖ) belän köräşne dä quzğatuların iskärtep uzdı.
Türkiyäneñ Afrika iniśiativası belän bäyle bularaq Ärdoğan: “Bügen Afrikada 44 ilçelegebez xezmät birä,” – dide.
Senegal İlbaşı Maki Sall da, Türkiyä belän mönäsäbätlärne nığıtırğa däwam itülärenä basım yasap, törek şirkätläreneñ ilendä şaqtıy keşene êş belän täêmin itüen belderde.
Sall Türkiyäneñ aşlıq kileşüenä kertkän öleşen yuğarı bäyäläwlären dä äytte.
