"Kanal İstanbul" proyektı Panama kanalına oxşatıp tözeläçäk

Türkiyä tışqı êşlär ministrı urınbasarı Faruk Kaymakçı Panama belän diñgezçelek tarmağında tözeläçäk xezmättäşlek nigezendä diñgez säwdäseneñ arttırıluı maqsat itep quyıluın belderde.

Türkiyä Böyek Millät mäclesendäge tışqı êşlär komissiyäseneñ soñğı cıyılışında ike il arasında diñgezçelek kileşüen raslaw turındağı qanun ölgese qabul itelde.  

Kaymakçı komissiyädä navigaśiyä kanallarınıñ tözeleşe häm idaräse mäs’älälärendä täcribä urtaqlaşu öçen xezmättäşlek platforması buldırunı üz êçenä aluçı kileşü turında deputatlarğa mäğ’lümat birde. Ul Panamanıñ Latin Amerikasında strategik urını, totrıqlı häm üseştäge iq’tisadı belän ähämiyätle säwdä urtağı buluın söyläde. 7 meñ 980 korab terkälgän Panama dön’yada in zur köymä terkäw sistemasına iyä.

“Panama Xalıqara dingezçelek oyışmasında da abruylı däwlät. Anıñ flotı xalıqara diñgezçelek industriyäseneñ 12%ın alıp tora. Panama bayraqlı korablarda êşläwçe watandaşlarıbız bar, älege sudnolarnıñ ber öleşe bezneñ şäxsi tarmaqnıqı,”-dip söyli Kaymakçı.

Ministr urınbasarı Panama diyügä uyğa Panama kanalı kilüen äytep, ilneñ bu mäs’älädäge täcribäsen häm texnik mäğ’lümatın öyränergä teläwlären belderde.

“Kanal İstanbul” - Qara diñgezdän Märmär diñgezenä suzılaçaq su yulı proeyktı. Anıñ korab xäräkätlären caylawı küzdä totıla.