Türkiyä qararı BMOda raslandı

Türkiyä klimat üzgäreşe belän köräş häm totrıqlı üseş plannarı qısalarında täqdim itkän “qaldıqsız tormış” qararı Berläşkän Millätlär Oyışmasında raslandı.

BMO Ğomum Şurası Türkiyä täqdim itkän häm 105 il quşılğan qararnı küpçelek tawış belän qabul itte.

Ğomum Şura bu qarar belän 30 martnı “Xalıqara qaldıqsız kön” itep iğlan itte.

Älege qarar belän Berläşkän Millätlär Oyışması ğomum särqätibe Antoniu Guterreştan cirle häm milli qaldıqsız tormış iniŝiativaların täşwik itü öçen 3 yıl buyı wazifa başqaraçaq konsul’tativ şura qoruı sorala.

Qarar qaldıqsız tormış iniŝiativaları, tirä-yaq moxitnı pıçratmawçı qaldıq ısulları, däwam itterep bula torğan qullanu häm citeşterü mäs’äläläreneñ Berläşkän Millätlär Oyışmasında qaraluı zarurlığın assızıqlıy.

Äğza däwlätlär häm Berläşkän Millätlär Oyışması belän qalğan xalıqara häm regional’ oyışmalarnı qaldıqsız tormış iniŝiativaların buldırırğa täşwik itä.

BMO Êkologiya programmasınıñ ikençe Qaldıqlar belän êş itüneñ global’ perspektivası xisabında qaldıqsız tormış iniŝiativalarına da urın birü taläp itelä.

Qararnıñ qabul itelüe belän Türkiyä ilbaşı Räcäp Tayyip Ärdoğannıñ xäläl cefete Äminä Ärdoğannıñ xiyamasında alıp barıluçı “Qaldıqsız tormış” proyektı BMO Ğomum Şura tarafınnan xuplandı.

Äminä Ärdoğan sentäbr’ ayında 77nçe BMO Ğomum Şurası söyläşüläre waqıtında klimat krizisı belän köräş qısalarında “Dön’yaküläm qaldıqsız tormış – yaxşı niyät bäyanı”na qul quyğan ide.