Rusiyä Däwlät Duması başlığınıñ Türkiyä säfäre

İlbaşı qolliyätendä uzğan qabul itüdä Türkiyä Böyık Millät Mäclese başlığı Mostafa Şäntop da qatnaştı.

Volodin Şäntop belän dä üzara küreşep söyläşte häm wäkilleklärara söyläşülär uzdırdı.

Söyläşülärdän soñ oyıştırılğan urtaq matbuğat oçraşuında Şäntop, Türkiyä häm Rusiyä parlamentları arasındağı mönäsäbätlärne üsterü mäs’äläsendä bik küp proyıktnı bäyäläwlären belderep, ike il arasındağı mönäsäbätlärneñ säyäsät, iq’tisad, säwdä ölkäsendä bik yaxşı däräcädä buluın äytte.

Şäntop: "Türkiyä-Rusiyä arasındağı mönäsäbätlär barı tik ike yaqlı mönäsäbätlärdän genä ğıybarät tügel. Häm regional’ häm dä global’ şaqtıy mäs’älädä tınıçlıqqa häm keşelek üseşenä xezmät itäçäk yoğıntığa, mäğ’nägä dä iyä”, - dip belderde.

Volodin isä pandemiyadan êlek Törkiyä Böyık Millät Mäclese belän Federaśiya Cıyını arasında tözelgän Yuğarı däräcäle xezmättäşlek komissiyasınıñ berençe cıyılışın Mäskäwdä ütkärergä täq’dim itte.

Terrorçılıq belän köräş häm töbäklärara xezmättäşlek konferenśiyäsenä tuqtalıp uzğan Volodin: "Bez konferenśiyağa İrannan, Paqıstannan, Qıtaydan, Süriyädän häm başqa illärdän qatnaşuçını kötäbez. Bez teläktäşlek êçendä bulğan mäs’älälärne bergäläp qarap çığarbız, dip ömet itäm. Aldıbızdağı yılnıñ berençe yartısında şuşı çaranı qabul itärgä uylıybız”, - dide.