Ärdoğan Zelenskiy belän söyläşte

Türkiyä İlbaşı idaräseneñ êlemtä räislegennän yasalğan belderügä kürä, söyläşü waqıtında Rusiyä-Ukraina suğışındağı xällär quzğatıldı.

İlbaşı Ärdoğan söyläşü waqıtında awır uzaçaq qış aylarında Ukraina xalqınıñ humanitar yärdäm ixtıyaclarınıñ qanäğätländerelüenä qağılışlı êşçänlekne alıp baruların citkerde.

İlbaşı Ärdoğan Änkarada qunaq itkän Ukrainalı yätim balalardan häm ozatıp yörüçelärdän torğan 1033 keşelek törkem belän xäläl cefete Äminä Ärdoğannıñ yaqınnan şöğillänüen belderde.

Aşlıq koridorınıñ törle azıq-tölek produktların häm başqa tovarlarnı üz êçenä alaçaq itep kiñäytelä alınaçağın bilgeläp uzuçı İlbaşı Ärdoğan Zaporoj’ye atom êlektrostanśiyase mäs’äläseneñ dä xäl itelüen teläwen belderde.

İlbaşı Ärdoğan Ukraina Däwlät başlığı Zelenskiyneñ G-20 sammitında açıqlağan tınıçlıq planın tormışqa aşıru tırışularına nindi öleş kertelä alınaçağın da bäyäläwlären iskärtep uzdı.