Togg İstanbul aêroportında kürsätelä
Türkiyäneñ avtomobilen aêroportınıñ xalıqara terminalında kürgäzmägä quydılar
![Togg İstanbul aêroportında kürsätelä](http://cdn.trt.net.tr/images/xlarge/rectangle/296b/6681/c1f6/638f2e36618fb.jpg?time=1722043485)
![togg istanbul havalimani.jpg](http://cdn.trt.net.tr/images/xlarge/rectangle/296b/6681/c1f6/638f2e36618fb.jpg?time=1722043485)
![togg istanbul havalimani.jpg](http://cdn.trt.net.tr/images/xlarge/rectangle/1866/1a4d/6510/638f2e7729408.jpg?time=1722043485)
![togg istanbul havalimani.jpg](http://cdn.trt.net.tr/images/xlarge/rectangle/8b1c/f3ce/b781/638f2eb335506.jpg?time=1722043485)
Türkiyäneñ avtomobile Toggnıñ sedan modele İstanbul aêroportınıñ xalıqara terminalında kürgäzmägä quyıldı. Êksponat cirle häm çit il yulçılarınıñ iğ’tibarın cälep itä, anıñ tiräse foto töşerergä teläwçelär belän tula.
Niderlandta yäşäwçe Möxärräm Uğurlu jurnalistlarğa üzeneñ êlektrlı maşina qullanuçı buluın belderä häm Toggnıñ êçke häm tışqı dizaynın bik oşatuın söyli. “Älbättä, êçenä utırıp qararğa häm test yöreşe ütkärergä kiräk. Bik oşattım. Alırğa uylıym,”-di ul.
İstanbuldan Tunisqa säyäxät itüçe Möxämmät Maxjub isä maşinanı kürügä ük centekläp qararğa telägän. Ul aêroportta Toggnı kürüneñ kötelmägän xäl buluın äytä. “Maşina matur, kürgäç - şaqqattım. Tışqı dizaynın bik oşattım. Üzenä tartıp tora,”-dip söyläde yulçı.
Ênese Abir Maxjub isä Toggnıñ bik üzençälekle avtomobil’ buluın häm bik oşatuın belderä. Ul bigräk tä maşinanıñ işeklärenä mökibbän. “Älegä qadär mondıy model’ kürmädem. Bik fantastik, iskitkeç dizaynı bar,”-di Abir.
Togg İstanbul aêroportında ay axırına qadär kürsäteläçäk.
Bäyläneşle xäbärlär
![Ärdoğan: "Genośidçı üterüçeneñ niçek alqışlanuın böten dön’ya kürde"](http://cdn.trt.net.tr/images/medium/rectangle/f6a7/bb4b/a45d/66a39996d51f7.jpg?time=1722043485)
Ärdoğan: "Genośidçı üterüçeneñ niçek alqışlanuın böten dön’ya kürde"
Törkiyä ilbaşı AQŞ Kongressında bulğan xällärgä rizasızlığın belderde