Ärdoğan: “Xıyal yulında yasalma kirtälär bulmağan atmosferanı östen qıldıq”

İlbaşı Räcäp Tayyip Ärdoğan İstanbul Kongress üzägendä İlbaşı idaräseneñ keşe çığanaqları ofisı tarafınnan "Yaña ğasırnıñ sälät üzäge” (Talent hub of the new century)" teması belän 5nçe häm 6nçı dekabr könnärendä berençese oyıştırılğan İstanbul keşe çığanaqları forumına (İstanbul HR Forum) yazmaça yullama cibärde.

Qıytğalarnıñ häm mädäniyätlärneñ oçraşu urını İstanbulğa kilgän qunaqlarğa “Räxim itegez” dip äytüçe Ärdoğan:

"Bez Türkiyä bularaq forsat tigezlege, açıqlıq, cawaplılıq, yañarış häm qazanış kebek qıymmätlärne nigez itep alğan keşe çığanağı mädäniyäten däwlät häm şäxsi tarmağıbızğa urnaştırırğa tırışabız. Soñğı 20 yılda demokratiya, töp xoquqlar häm irek, asqorma investiśiyäläre belän sanlılaştıru (śifrlaştıru) ölkälärendä yasağan adımnar belän bu yünäleştä bik citdi yul uzdıq. Berkem dä ışanuına, qaraşına, kilep çığışına qarap çitläşterelmägän, diskriminaśiyälänmägän, xıyallarına baruçı yulda yasalma kirtälär belän oçraşmağan atmosferanı il külämendä östen ittek,” – dip belderde.

İlbaşı xökümät sisteması belän ilneñ keşe çığanağın tağın da yaxşı itep idarä itelüe ölkäsendä qorılış (struktural’) köçen tağın da nığıtuın belderüçe Ärdoğan:

"Bez watandaşlarıbıznıñ ostalığın häm kompetenśiyäsen tağın da üsteräçäk, kiñ qırlı häm ireşelä alınğan keşe çığanağı modelen ilebezgä qazandırdıq. Türkiyä ğasırı vizionıbız qısalarında bu modelneñ êffektivlığın arttırunı, citeşsezlegen beterep, här yaqtan qamilläşterüne maqsat itäbez. Dön’yanıñ törle illärennän 3 meñnän kübräk qatnaşuçını cıyğan oyışmanıñ xalıqara däräcädä täcribä häm mäğ’lümat belän urtaqlaşuğa mömkinlek birep, bezgä şuşı tırışuşarıbızğa öleş kertäçägenä ışanam”, - dip äytte.