Ärdoğan belän Sunak söyläşte
Anda ike aradağı häm global' mäs'älälär kütärelde
Türkiyä ilbaşı Räcäp Tayyip Ärdoğan Angliyä xökümäte räise Rişi Sunak belän telefonnan söyläşte.
Cämäğat’çelek belän êlemtä idaräsennän belderülärençä, ängämädä säwdä häm saqlanu sänäğaten dä kertep, Türkiyä belän Böyekbritaniya mönäsäbätläre telgä alındı.
Söyläşüdä ilbaşı Ärdoğan alğa taba da ike NATO berlektäşeneñ bağ’lanışlarında ayıq aqıl häm strategik qaraş östenlek itäçägenä ışanuın belderde. Ul, şulay uq, Rusiyä-Ukraina arasındağı söyläşülär nigezen tiz arada yañartunıñ barlıq yaqlarnıñ faydasına buluın assızıqladı. Monnan tış, Türkiyä liderı Kipr mäs’äläseneñ çişeleşe öçen yaña häm konkret adımnar yasawnıñ ähämiyätenä iğ’tibar yünältte.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde
