Ärdoğan: “Yaña bötendönya suğışına forsat birmik”

İlbaşı Ärdoğan 17nçe G20 Liderlar sammitı qısalarındağı İndoneziya säfäre axırında könüzäk mäs’älälärgä qağılışlı bäyäläwlär yasadı, jurnalistlarnıñ sorawlarına cawap birde.

G20 Bali sammitı temasınıñ "Bergä ternäklänü - tağın da köçle ternäklänu" buluın xäterlätüçe Ärdoğan: “Bez qatnaşqan utırışlarda ênergetika häm sälamätlek saqlaw başçalarında Türkiyä bularaq yasağan adımnarıbıznıñ täq’dir cıyuın kürdek. Şuşındıy uq räweşle Rusiyä-Ukraina arasındağı äsir belän almaşu häm aşlıq koridorı iniśiativabıznıñ dönya liderları tarafınnan qanäğätlelek belän qarşılanuına da şahit buldıq”, - dip äytte.

Türkiyäneñ G20 Bali beldergesenä dä möhim öleşeneñ buluına tuqtalıp uzuçı Ärdoğan Rusiyä-Ukraina krizisına qağılışlı bularaq här taraf belän söyläşä alu säläte belän, aradaşçı rölen uynawçı Türkiyäneñ urtaq beldergeneñ qabul itelüendä aktiv totış kürsätüenä basım yasadı.

Türkiyäneñ äydäp baruçanlığında tormışqa aşırılğan Qara diñgez aşlıq koridorı kereşüeneñ, Türkiyä häm İstanbul kileşüenä dä sıltama birelep, böten G20 illäre tarafınnan qanäğätlelek belän qarşılanıluın añlatuçı Ärdoğan qaçaqlar mäs’äläsendä xezmättäşlekneñ buluınıñ zarurlığınıñ da G20 beldergesendä bäysez abzaś bularaq urın aluına iğ’tibarnı yünältte.

Sammit qısalarında ayıruça wazıyfadaşları belän ike yaqlı söyläşülär ütkärüen xäterlätüçe Ärdoğan: "Bu oçraşularıbız waqıtında saqlanudan ênergetikağa, terrorçılıq belän köräştän kapital salu, säwdä häm turizmğa qadär kön tärtibebezdä bulğan mäs’älälärne kiñäşläştek. Säfärebezneñ ilebez, millätebez häm böten keşelek öçen xäyerle buluın telim”, - dip äytte.

Uzğan atnada başqala Änkarada Türkiyäneñ koordinaśiyasında Amerika Quşma Ştatları häm Rusiyä küzläw başlıqlarınıñ oçraşuına basım yasawçı Türkiyä Däwlät başlığı: "Rusiyäneñ häm AQŞnıñ biredä atom-töş qoralın qullanıp qullanmaw mäs’äläsendä küzläw başlığınnan minem alğan mäğ’lümaten xäzerge waqıtta här ike tarafnıñ da atom-töş qoralı belän bäyle nindi dä bulsa ber omtılışnıñ bulmayaçağı yünäleşendä. Bez dä, älbättä, yaqınnan küzätep barırğa, yış-yış bergä oçraşuların täêmin itärgä telibez. Allah saqlasın, bu yaña ber bötendönya suğışına yul açar. Moña da forsat birmik”, - dip belderde.