Ärdoğan G20 liderlar sammitınnan qaytqannan soñ belderü yasadı

İndoneziyädäge G20 liderlar sammitınnan qaytqannan soñ ilbaşı Räcäp Tayyip Ärdoğan Türkiyäneñ G20gä öleş kertüen däwam itäçägen belderde. Ul sośial’ mediadağı yazmasında bolay di: “G20 Liderlar sammitı uñayınnan İndoneziyägä yasağan säfärebezne tögälläp ilgä qayttıq. Türkiyä dön’yaküläm däräcädä yulıbızda oçrağan yanawlar qarşında liderlıq wazıyfasın uñışlı başqaruçı G20gä alğa taba da öleş kertäçäk”.

Ärdoğan yazmasında Türkiyä bayrağı häm G20 liderlar sammitı qısalarındağı oçraşulardan küreneşlär kergän video da urtaqlaştı.

Bıyılğı 17nçe G20 liderlar sammitı “Bergä ternäklänü - tağın da köçle ternäklänü” teması astında İndoneziyäneñ Bali utrawında 15nçe-16nçı noyabr’dä uzdı.