Şveśiyä Toggnı maqtıy

Dön’yadağı iñ zur avtomobil’ markalarınıñ berseneñ bazası bulğan Şveśiyädä Türkiyäneñ cirle êlektr maşinası Togg turında söyläşälär. İlneñ “Expressen” gazetı texnologiyä üzäge bularaq dizayn itelgän Gämlik kampusı belän Toggnı üz säxifälärendä yaqtırttı.

Mäqalädä Toggnıñ Türkiyädäge satular açılğannan soñ yaqınça 15-18 aydan Awrupağa êksportlana başlayacağı farazlana. Anda Türkiyä avtomobil’ industriyäseneñ citeşterü ob’yektları belän dön’yadağı iñ zurlarınnan berse buluı xäterlätelä.

Gazetta, şulay uq, ilbaşı Räcäp Tayyip Ärdoğannıñ “Gämlik êşxanäse tulı köçenä êşli başlağanda biredä yılına 175 meñ texnika çığarılaçaq. Yaqınça 4 meñ 300 keşe turıdan-turı, 20 meñ keşe çitlätep mäşğul’ bulaçaq” digän süzlärenä dä urın birä.  

Yazmada Gämlik kampusında 2030nçı yılğa qadär 1 million Togg çığaru planlaştırıluı mäğ’lümatı citkerelde.