İlbaşı Ärdoğanğa İmam Buxari ordenı tapşırıldı

Törki däwlätlär oyışmasınıñ 9nçı sammitında qatnaşu öçen Üzbäkstannıñ Sämärqand qalasına kitkän İlbaşı Ärdoğan öy xucası wazıyfadaşı Şäwkät Mirziyayıv belän küreşep söyläşte.

Annan soñ Sämärqand Kongress üzägendä oyıştırılğan tantana belän Mirziyayıv İlbaşı Ärdoğanğa Yuğarı däräcäle İmam Buxari ordenın täq’dim itte.

Ärdoğan tantanada yasağan çığışında şuşı ordennı ike il arasındağı daimi häm mäñge qardäşlekneñ köçle simvolı bularaq qabul itüen äytte.

Kiñqırlı strategik urtaqlıq däräcäsenä citkerelgän mönäsäbätlärne tağın da aldınğı märtäbälärgä alıp baraçaqlarına ışanuın belderüçe  Ärdoğan: "Min Yuğarı däräcäle İmam Buxari ordenın zur xörmät belän tağıp yörtäçäkmen, bu ordennı aludan min bik şat. Şäwkät Mirziyayıv qardäşemneñ şäxesendä böten üzbäk qardäşläremä räxmät äytäm, barığıznı xörmät häm söyü belän sälamlim”, - dide.