Türkiyä saqlanu ministrı Ukraina ministrları belän aşlıq mäs’äläsen söyläşte
Milli saqlanu ministrı Hulusi Akar Ukrainalı ministrlar belän ütkärgän telefon söyläşüendä Qara diñgez aşlıq koridorınıñ däwam itelüeneñ möhimlegenä basım yasadı
Türkiyä Milli saqlanu ministrlığınnan yasalğan belderügä kürä, Akar Ukraina saqlanu ministrı Oleksii Reznikov häm Ukraina asqorma ministrı Oleksandr Kubrakov belän telefonnan ayırım ayırım söyläşte.
Aşlıq cibärelüeneñ soñğı torışı quzğatılğan söyläşüdä ministr Akar bügengä qadär yaqınça 10 million tonna aşlıqnıñ ixtıyacı buluçılarğa cibärelep, global’ azıq-tölek krizisınıñ çişeleşenä zur öleş kertkän häm problemalarnıñ xezmättäşlek häm dialog belän xäl itelä alınaçağın kürsätkän aşlıq kereşüeneñ bik zur ähämiyätkä iyä buluın iskärtep uzdı.
Qara diñgez koridorınıñ aşlıq cibärelüe öçen avtoyuldan küpkä tizräk häm uñaylıraq buluına basım yasawçı Akar: "Tulısınça humanitar êşçänlek bulğan aşlıq cibärü kereşüeneñ tartqalaşu şartlarınnan ayırım totıluı zarur, İlbaşı Räcäp Tayyip Ärdoğan belän bergä Türkiyä töbäktä tınıçlıq urnaştıru häm humanitar yärdäm mäs’äläsendä här däräcädä bügengä qadär bulğanı kebek monnan soñ da üz burıçın ütärgä däwam itäçäk”, - dip äytte.
