Bosfordağı aşlıq korabları yanaw tudıra
100läp korab İstanbul tiräsendä yakor' atıp aşlıq kileşüeneñ däwam itüen kötä
Türkiyä aşlıq kileşüe tuqtatıludan soñ Bosforda kontrol’ öçen kötep toruçı aşlıq töyälgän korablarnıñ buğazdağı xäräkät öçen yanaw tudıruı turında kisätte.
Türkiyäneñ BMOdağı daimi wäkile Färidun Sinirlioğlu oyışmanıñ İminlek şurasındağı çığışında qara dingez aşlıq iniśiativasınıñ unışlı buluın häm däwam itärgä tiyeşlegen äytte. Ul älege kileşü qısalarında älegä qadär 9 million yarım tonna aşlıq häm azıq-tölek êksportı tormışqa aşırıluın belderde. Näticädä azıq-tölek bäyäläre töşte.
Türkiyä wäkile kileşü qısalarında BMO Dön’ya azıq-tölek programmasınıñ qayber däwlätlärdä qıtlıqnı buldırmıy qaluın, Äfğanstan, Êfiopiya, Somali, Yämän şikelle illärdä balalarnıñ Qara diñgez aşlıq iniśiativasınnan fayda kürüen citkerde.
Färidun Sinirlioğlu kiçä irtänge yaqta İstanbul tiräsendä kontrol’ öçen kötüce yökle 97 korabnıñ buluın häm tağın 15eneñ kilüen belderde. Alar Bosfordağı xäräkätne awırlaştıra. Älege korablarnı cibärü öçen Türkiyä belän BMO berdäm êşçänlek alıp bara.
