Ärdoğannıñ Greśiya häm Süriyä açıqlawları

İlbaşı Ärdoğan Awrupa säyäsät cämğıyäte cıyılışı öçen kitkän Çexiyada matbuğat oçraşuın oyıştırdı.

Dön’yada yäşängän täräqqıyätlärneñ Türkiyäneñ Awrupa Berlege häm Awrupa öçen töp il buluı çınbarlığın kürsätüenä basım yasawçı Ärdoğan:

“Berlekkä äğ’za qayber illärneñ Türkiyä belän xezmättäşlek häm yaxşı kürşe bulu urınına kiyırenkelekne arttıruın küräbez. Biredä şunı iskärtep uzasım kilä: Türkiyäneñ hiçber ilneñ suverenlığında, cirendä, xaq häm xoquqında küzebez yuq. Bez barı tik ilebezneñ häm Kipr törekläreneñ mänfäğätlären saqlawnıñ köräşen alıp barabız. Berkem belän dä, hiçber kürşe belän kiyırenkelek telämibez. Könçığış Urta diñgez häm Ägäy diñgeze problemaların xalıqara xoquq qısalarında xäl itärgä teläwebezne küp tapqır telgä aldıq. Daimi çişeleş öçen Kipr utrawındağı çınbarlıqnıñ qabul itelüe zarur”, - dip belderde.

Ärdoğan Greśiyanıñ Türkiyägä qarata provokaśion omtılışları turındağı soraw uñayınnan isemen äytmiçä genä Greśiya Baş ministrı Kiriakos Miçotakisnı tänqıytläp:

“Awrupa säyäsät cämğıyäte utırışları waqıtında minem yasağan çığışımnan ul tınıçsız bulğan. Bolarnıñ säyäsätläre yalğanğa nigezlängän, tuğrılıq yuq, buluı zarur urında tügel alar. “Äydägez, bergä oçraşıyq” yar buyı illäre belän bergä dip äytkän çaqta alar rizalaşmıylarr. Häm arağa bik küp ilne qatıştıralar. Küreşü forsatı bulır, dip ötem itäm”, - dide.

Türkiyä İlbaşı başqa ber soraw uñayınnan da: “Waqıtı citkäç bez Süriyäneñ Däwlät başlığı belän dä küreşügä bara alabız. Xäzerge waqıtta bolay da tübän däräcädä söyläşülär alıp barıla”, - dip belderde.