"200 xärbi äsir - bezneñ mösafirıbız"

Türkiyä ilbaşı Räcäp Tayyip Ärdoğan Rusiyä belän Ukraina arasındağı äsir almaşu belän bäyle bularaq belderü yasadı. “Bolar (älege äsirlär) bezneñ mösafirlarıbız. Alarnıñ arasındağı 1 keşene Rusiyä däwlät başlığı Vladimir Putin bik soradı. Ul keşene bez Rusiyägä cibärdek,”-dide ul. Bilgele bulğança, kiçä Türkiyä ilbaşı Räcäp Tayyip Ärdoğannıñ ike däwlät arasındağı diplomatik êşçänlege näticäsendä 200 suğış äsiren almaştılar.

İlbaşı aşlıq koridorı prośessınıñ da däwam itüen söyläde.  

“Aşlıq koridorı aşa 4 million tonnadan artıq tovar kitte. Äle dä däwam itä. Monda bezneñ xäzer ähämiyätle adımnarıbıznıñ berse - Rusiyä yağınnan kiläse aşlıqlar. Xäzergä qadär kilgännäre - Ukraina yağınnan. Anısın da başlap cibärsäk, bigräk tä, fäqıyr’ däwlätlärne aşlama belän täêmin itsäk - citdi yärdäm bulaçaq,”-dip söyläde Ärdoğan.