Türkiyä-AQŞ strategik mexanizm kiñäşmäläre

Türkiyä tışqı êşlär ministrı urınbasarı, tulı wäqalätle ilçe Sädat Önal, AQŞ däwlät särkätibe urınbasarı Wendy Sherman häm däwlät departamentınıñ säyäsi êşlär kiñäşçese Victoria Nuland belän oçraştı.

Wäkilleklär töbäktä yäşängän säyäsi täräqqiyätlärne qarap çıqtı, terrorçılıqnıñ härtörle räweşläre häm küreneşläre belän köräşneñ zarurlığına basım yasadı. Cıyılışta Kön’yaq Qavqazda tınıçlıq urnaştırıluınıñ möhimlegenä dä tuqtalıp uzıldı.

AQŞ wäkillege Ukraina aşlığınıñ Qara diñgezdän imin räweştä uzuınıñ täêmin itelüe belän bäyle bularaq Türkiyä kürsätkän aradaşçılıq tırışularınnan qanäğät buluın citkerde.

İke yaqlı säwdä êlemtäläreneñ soñğı waqıtta tizlänüenä basım yasalğan söyläşü waqıtında iq’tisadi xezmättäşlekneñ här ölkädä tağın da alğa baraçağı iskärtelep uzıldı.

Ênergiya belän täêmin itüne, ireşüne, näticälelegen häm bäysezlegen köçäytü öçen dä berdä êşläyäçäklären belderüçe taraflar Yaqın Könçığış häm Afrika belän bergä dönyanıñ törle töbäklärendä Türkiyä belän AQŞ arasında buluı mömkin xezmättäşlek forsatları da bäyälände.

Şul uq waqıtta Türkiyä Tışqı êşlär ministrlığı häm Amerika Quşma Ştatları däwlät departamentınnan yasalğan urtaq belderüdä: "Söyläşü waqıtında NATO berlektäşe ike il arasındağı köçle xezmättäşlek raslandı, ike yaqlı mönäsäbätlär belän strategik häm global’ mäs’älälär turında kiñ qırlı fiker alışıldı”, - dip äytelde.