Malayziya patşası Änkarada

Türkiye prezidentı Räcäp Tayyip Ärdoğannıñ çaqırulı qunağı bularaq başqala Ӓnkarağa kilgӓn Malayziya patşası Soltan Abdullah Ri’ayatuddin Al-mustafa Billah Şah Anıtkabergӓ bardı.

Atatörek mavzoleyına çӓçӓk quyıp, xörmӓt belӓn tın alğan Soltan Abdullah Şah soñınnan Anıtkaber dӓftӓrenӓ tübӓndӓgelӓrne yazdı: “Bӓysez Törkiyӓ Cömhüriyӓtenӓ kilüemӓ şatlanam. Bu sӓfӓrneñ Malayziya hӓm Törkiyӓ arasında ike yaqlı mönӓsӓbӓtlӓrneñ nığıtıluı prośessın tizlӓtӓçӓgen ömet itӓm. Min hӓm patşabikӓ Törkiyӓ hӓm xalqınıñ hӓrwaqıt Allaxı Tӓğalӓ tarafınnan saqlanuı öçen doğa uqıybız.”

Soltan Abdullah Şahnıñ patşabikӓ İskandariah belӓn 21 avgustka qadӓr dӓwam itӓçӓk rӓsmi sӓfӓre yaqınça 30 yıldan soñ Malayziyadan Törkiyӓgӓ dӓwlӓt başlığı dӓrӓcӓsendӓ yasalğan berençe sӓfӓr bulıp tora.