Putin Ärdoğanğa räxmät äytte

Rusiyä däwlät başlığı Vladimir Putin Törkiyä ilbaşı Räcäp Tayyip Ärdoğanğa Qara diñgez aşa aşlıq êksportı häm azıq-tölek probleması mäs’äläsendä aradaşçılıq tırışlıqları öçen räxmät äytte. İke lider Astana öç’yaqlı sammitı qısalarında İran başqalası Tähranda oçraştı.

Putin söyläşüneñ matbuğatqa açıq öleşendä belderülär yasadı häm Astana formatı qısalarında tuğan oçraşu mömkinlegenä qanäğat’ buluın citkerde.  Ul söyläşenäçäk bik küp mäs’älä barlığın äytte.

Putin Ukraina belän 24nçe fevral’dä başlanğan suğış arqasında kilep çıqqan aşlıq probleması turında da süz quzğattı.

“Aradaşçılıq tırışlıqlarığız, azıq-tölek problemaları häm Qara diñgez aşa aşlıq êksportı belän bäyle söyläşülär öçen Törkiyädä platforma täêmin itüegez öçen sezgä räxmätemne belderäm,”-dip söyläde Vladimir Putin.