Ärdoğan İrannan qaytışlıy belderülär yasadı
Süz F-16larnı alu häm Süriyädä yaña xäräkät başlaw turında bardı
Törkiyä ilbaşı Räcäp Tayyip Ärdoğan İranğa räsmi säfärennän qaytışlıy oçqıçta jurnalistlarnıñ sorawlarına cawap birde. Ul AQŞnıñ Törkiyägä F-16 oçqıçı satuına bäyle bularaq bolay dide: “Bez xörmätle Bayden belän bu mäs’älälärne söyläşkändä ul bezgä nindider Greśiyä şartı-fälän quymadı. Kiresençä, ozaqlap fiker alıştıq häm “NATO äğ’zası däwlätlär bularaq, ni genä bulsa da, ber-berebezneñ xaqların saqlarğa tiyeşbez” didek”. Ärdoğan beldergänçä, Bayden F-16 mäs’äläsendä qulınnan kilgänne êşläyäçägen äytkän.
“Qızğanıçqa xäzerge waqıtta AQŞ Wäkillär palatasında, az bulsa da, bu êşkä qarşı çığuçılar bar. Xäzerge wäzğıyät’kä qarağanda, asılında, mondıy şart mäs’äläse, minemçä, mäcbüri tügel. Alar F-16lar belän bäyle bezneñ täq’dimğä äye disennär, bezgä yaña oçqıçlar birsennär -şul citärlek. Qulıbızdağı qarap-tözätep totunı bez xäzer üzebez dä başqarırlıq xäldä,”-dip söyläde Ärdoğan.
Süriyä mäs’äläsendä isä, ilbaşı AQŞnıñ Färat yılğasınıñ könçığışınnan kitüe kiräklegen belderde. “Milli iminlek borçularıbız beterelmäsä, xäräkät kön tärtibendä qalaçaq,”-dide ul.
Ärdoğan soñğı könnärdä separatist terrorçı oyışma PKK/YPGneñ Süriyäneñ tön’yağında Bäşşar Äsäd rejimı bayrağı kütärülären äytte. “Rejimnıñ bayrağın anda kütärep ällä törek armiyäsen aldıy alırbız dip uylıylar,”-dide Törkiyä ilbaşı.
