"Törkiyä ilbaşınıñ bezneñ ilgä säfäre ike il arasındağı mönäsäbätlärdä möhim borılış bulıp tora”

Törkiyä ilbaşı Ärdoğan häm İran ilbaşı İbrahim Räisi Tähranda uzğan Törkiyä –İran yuğarı däräcäle xezmättäşlek şurasınıñ 7 nçe cıyılışın citäklädelär.

Ärdoğan cıyılıştan soñ belderülär yasadı.

”Terror oyışmaları (PJAK, PKK, PYD, YPG, FETÖ) Törkiyä häm İran öçen citdi qurqınıç. Bez alarğa qarşı köräşne berdäm däwam itärgä tiyeş” dide ilbaşı Ärdoğan.

Ul bügen ütkäreläçäk Törkiyä –İran –Rusiya öç yaqlı sammitqa qağılışlı,”Sammitta Astana barışın yañadan bäyäläw bulaçaq” dide.

İbrahim Räisi urtaq matbuğat oçraşuında tübändelärne citkerde:” İke il arasındağı säwdä külämen 30 milliard dollar bularaq bilgelädek. Bu xäzerge urtaq säwdä külämen öç tapqır arttıru digän süz. İke ilneñ urtaq sänäğät’ şirkätläre buldıruı – bez büğen kileşü täêmin itkän mäs’älälärneñ berse. Törkiyä ilbaşı Ärdoğannıñ bezneñ ilgä säfäre ike il arasındağı mönäsäbätlärdä möhim borılış bulıp tora”.