Ärdoğan - Zelenskiy söyläşüe

Törkiyä ilbaşı Räcäp Tayyip Ärdoğan Ukraina däwlät başlığı Vladimir Zelenskiy belän telefonnan söyläşte.

İlbaşı idaräseneñ êlemtä bülege beldergänçä, söyläşü waqıtında Ukraina - Rusiya suğışı häm Qara diñgezdä aşlıq êksportı öçen qurqınıçsız koridorlar buldıru turında süz bardı.

Ärdoğan beldergänçä, alarnıñ iñ zur teläge - Ukrainada tınıçlıq urnaşuı.

Ul Berläşkän Millätlär Oyışması tarafınnan Ukraina aşlıq produktların dön’ya bazarına cibärü öçen äzerlängän plan östendä êşläwlären däwam itülären äytte.

Törkiyä ilbaşı Ukraina däwlät başlığı Zelenskiyğa Qorban bäyrämenä bağışlanğan videoyullamasındağı törek telendä qotlawları öçen räxmät äytte.