Çavuşoğlu qurqınıçsız transport yullarınıñ möhimlegenä basım yasadı
Törkiyä Tışqı êşlär ministrı Mäwlüt Çavuşoğlu Rusiyä-Ukraina suğışı arqasında aşlıq töyälgän tankerlarnıñ portlardan kitä almawı belän bäyle bularaq: "Daimi häm qurqınıçsız transport liniyalarınıñ ni qadär möhim buluın şuşı krizista tağın ber qat kürdek”
Ministr Çavuşoğlu Azärbaycan tışqı êşlär ministrı Cäyhun Bayramov häm Qazaqstan tışqı êşlär ministrı Muhtar Tiläubärdi belän Azärbaycan başqalası Baqıda ütkärelgän Törkiyä-Azärbaycan-Qazaqstan tışqı êşlär häm transport ministrları cıyılışınnan soñ oyıştırılğan urtaq matbuğat oçraşuında çığış yasadı.
Çavuşoğlu öç yaqlı formattağı cıyılışnıñ berençe tapqır oyıştırıluın, söyläşü waqıtında transport mäs’äläläre belän bergä regional’ mäs’älälärneñ quzğatıluın äytte.
Ukraina-Rusiyä suğışı arqasında barlıqqa kilgän aşlıq säwdäse problemalarına tuqtalıp uzuçı Çavuşoğlu: "Bez Berläşkän Millätlär Oyışması belän problemanı xäl itü öçen tığız tırışlıq sarıf itäbez. Daimi häm qurqınıçsız transport liniyalarınıñ ni xätle möhim buluın şuşı krizista tağın ber märtäbä kürdek.
Şuña kürä milli häm regional’ köçebezne arttıru öçen möhim investiśiyälär kerttek häm kertergä däwam itäbez. Baqı-Tbilisi-Kars timer yulı, Baqı-Tbilisi-Cäyhan ütkärgeçe, TANAP kebek proyıktlar töbägebezneñ yözen üzgärtte”, - dip äytte.
Törkiyäneñ Azärbaycan belän Ärmänstan arasındağı barışnı yaqlawın belderüçe Mäwlüt Çavuşoğlu: "Azärbaycannıñ könbatış töbäkläre belän Naxçıvan arasında bäyläneş täêmin itäçäk Zängäzur koridorın köçle räweştä yaqlıybız häm koridornıñ tiz arada açıluın kötäbez”, - dip belderde.
Bäyläneşle xäbärlär
Soñğı ber atnada 54 terrorçı täêsirsez xälgä kiterelde
Bu xaqta Milli saqlanu ministrlığı ütkärgän cıyılışta citkerelde
