Soğud Ğaräbstanı prinśı Törkiyädä

Qunaqlarnı İlbaşı Räcäp Tayyip Ärdoğan başqala Änkarada İlbaşı sarayında räsmi tantana belän qarşı aldı.

Ärdoğan häm prinś Sälman annan soñ qara-qarşı häm wäkilleklärara söyläşülärgä küçte.

Söyläşülärdä regional’ häm xalıqara täräqqıyätlär quzğatıla, ike il mönäsäbätläre böten yaqları belän bäyälänä. Östenlekle kön tärtibe isä – iq’tisad.

Säwdädän turizmğa, sälamätlek saqlawdan saqlanu sänäğätenä qadär törle ölkälärdä xezmättäşlekneñ arttırıluı öçen yasala alınaçaq adımnar söyläşelä.

Bu qısada Törkiyä belän Soğud Ğäräbstanı arasında törle kileşülärgä qul quyılaçaq.

İlbaşı Ärdoğan da 28nçe-29nçı aprel’dä Soğud Ğäräbstanı patşası Sälman bin Abdülaziz Al Suudnıñ çaqıruı belän Ciddägä barıp törle oçraşular ütkärgän ide.

Ärdoğan ayıruça 10nçı mayda prinś Möxämmäd Bin Sälman belän ütkärgän telefon söyläşüendä dä ike yaqlı mönäsäbätlärgä häm regional’ mäs’älälärgä tuqtalıp uzğan ide.