Tışqı êşlär ministrı Çexiyägä kitä

Törkiyä tışqı êşlär ministrı Mäwlet Çavuşoğlu 10nçı-11nçe iyün’dä Çexiyä cömhüriyätenä säfär yasıy.

Ministrlıqtan yasalğan belderüdä bolay diyelä: “Xörmätle ministrıbız, tışqı êşlär ministrı Yan Lipavskiy çaqıruına cawap itep, 10nçı-11nçe iyün’ könnärendä Çexiyä cömhüriyäten ziyärät itäçäk. Oçraşularda Çexiyä belän ikeyaqlı mönäsäbätlär külämle räweştä qaralaçaq, Awrupa Berlegenä äğ’zalıq prośessı belän regional’ häm xalıqara mäs’älälärdä dä fiker alışu bulaçaq”.

Säfär programması qısalarında Çavuşoğlunıñ Wäkillär palatası räise tarafınnan qabul itelüe, älege ildä yäşäwçe watandaşlar belän oçraşuı kötelä.

Törkiyä ministrı, monnan tış, 4nçe Aziyä-Awrupa säyäsi forumınıñ açılışında töp çığış yasawçı bularaq qatnaşa.