Törek hawa yulları Boxarağa oçtı
Boxarağa kilep utırğan A321 oçqıçın aêroportta su sipterep qarşı aldılar
Törek hawa yulları YUNESKOnıñ Bötendön’ya mädäniyät mirası isemlegendä urın aluçı tarixi Boxara şähärenä oça başladı.
Törek aviakompaniyaseneñ 339nçı oçu urını bulğan Boxarağa TK266 reysı belän kilep utırğan A321 oçqıçın Boxara aêroportında su sipterep qarşı aldılar.
Berençe säfär buluı uñayınnan Boxara hawa mäydanında tasma kiselde.
Biredä oyıştırılğan tantanada çığış yasağan Törkiyäneñ taşkenttağı ilçese Olgan Bäkar İstanbul-Boxara säfärläreneñ xäyerle buluın teläde.
“İlbaşıbız Räcäp Tayyip Ärdoğan tarafınnan quyılğan maqsatlar buyınça Törek hawa yulları da üz wazifasın cirenä citkerä. Bügenge köndä Üzbäkstanda 5nçe şähärgä Törek hawa yulları säfär başlattı. Üzbäkstan hawa yulları da Törkiyägä oçışların däwam itterä. Atnada 40tan artıq oçqıç oça. Şulay itep illärebez arasında häm ayıruça tarixi turizm üzäge Boxara belän ilebez arasında yaña êlemtäneñ tağın da üsäçägenä ışanam,” – dide ilçe.
