Ärdoğan belän Zelenskiy söyläşte

Törkiyä ilbaşı Räcäp Tayyip Ärdoğan Ukraina däwlät başlığı Volodimir Zelenskiy belän telefonnan söyläşte.

İlbaşı idaräse cämäğat’lek belän êlemtä bülegennän belderülärençä, äñgämä barışında 24nçe fevral’dä başlanğan Ukraina-Rusiyä suğışındağı soñğı wäzğıyät’ qaraldı.

İlbaşı Ärdoğan Ukraina belän Rusiyä arasında söyläşülärneñ däwam itüe öçen älegä qadär barlıq tırışlıqnı quyuların, monnan soñ da aradaşçılıqnı da kertep, kiräk bulğan teläktäşlekne kürsätergä äzer buluların äytte. Ul Ukraina awıl xucalığı tovarların diñgez yulı belän êksportlaw öçen ışanıçlı koridor buldıru proyektına zur ähämiyät birüen belderde.

Törkiyä ilbaşı Rusiyä, Ukraina häm BMO qatnaşında oyıştırılaçaq Kontrol’ üzägenä quşıluğa häm anı İstanbulda qabul itügä uñay qarawların da citkerde.