Dön'yadağı iñ ğacäyep qunaqxanä - Kapadokiyädä
Bülmäläre qıyalarğa çoqıp yasalğan butik otel'ne taşlandıq mäxälläne torğızıp tözilär
Törkiyäneñ Kapadokiyä cirlegendäge ber butik otel’ säyäxät internet säxifäse Tripadvisor tarafınnan dön’yadağı iñ ğadättän tış qunaqxanä bularaq saylandı.
Älege “Kayakapı”nıñ xucaları Yakup häm Mäxmät Dinlär qunaqxanäneñ konferenśiyä zalında matbuğat oçraşuı ütkärde.
Anda äytelgänçä, qunaqxanä, dön’yadağı iñ ğadättän tış otel’ iseme tışında, dön’yadağı häm Awrupadağı iñ zinnätle 3nçe otel’, dön’yadağı iñ yaxşı 6nçı otel’, Awrupanıñ iñ yaxşı 4nçe otele büläklärenä layıq bulğan.
Qunaqxanäne töbäktä taşlap kitelgän iske mäxälläne tözekländerep yasıylar. Anıñ qayber bülmäläre taş qorılma, ikençeläre qıyağa çoqıp yasalğan. Qunaqxanä 2013nçe yılda xezmät kürsätä başlıy.
Yakup häm Mäxmät Dinlär Kapadokiyä häm Törkiyä turizmına öleş kertüläre öçen şat buluların, tağın da kübräk qunaqnı qanäğat’ qaldıru öçen tırışaçaqların belderde.
